A Enciclopedia Básica do Estudante, especialmente pensada para os nenos e mozos de entre 10 e 14 anos, recolle toda a información que os estudantes galegos precisan para coñecer o mundo que os rodea, cun deseño dinámico e atractivo que invita á lectura. Nesta enciclopedia, ordenada alfabeticamente, poden atopar un gran número de temas relacionados coa civilización humana e coa natureza: feitos históricos, descubrimentos xeográficos e científicos, datos estadísticos sobre poboación, economía..., as principais correntes artísticas, mitoloxía, relixión, o Universo, a Terra, animais, plantas, especies en vías de extinción, ecoloxía..., prestando especial atención ás novas tecnoloxías e, por suposto, aos personaxes e acontecementos máis actuais relacionados coa nosa Comunidade.
