Chegaron os 80 e con eles o nacemento de Galicia Moda. Na súa sede viguesa, situada nun edificio da Gran Vía, un equipo diversificado encargábase cada día de facerlle fronte á tarefa motora da reconversión e dinamización dun sector, o téxtil galego, para poñelo de moda. Con esta obra quérese render tributo a un momento moi especial da nosa historia no que fomos vangarda creativa e comercial nun sector -o da moda- que non estaba nin era esperado. Un momento, ademais, de grande efervescencia cultural e social, con Vigo como epicentro. Traballábase moito (en Galicia había deseñadores forxados no taller, non intelectuais do deseño), en medio dun frenesí social que levaba os nosos creadores e a súa xente por Madrid, Barcelona, París, Florencia, Milán, Colonia, Nova York, Londres... s...
